Ang mga bagong batas laban sa Money Laundering

at Kontra sa Pagpopondo ng Terorismo

Sa isang sulyap

Ipinatupad ng Australia ang mga bagong batas na AML/CTF upang matugunan ang internasyonal na mga pamantayan at upang makatulong na maprotektahan ang mga negosyo na magamit sa maling paraan para sa money laundering at pagpopondo ng terorismo.

Bilang isang customer na naghahangad ng ilang mga serbisyo maaaring hilingin sa iyo na kumpirmahin ang iyong pagkakakilanlan

Sa pamamagitan ng pagkumpirma ng iyong pagkakailanlan ikaw ay nakakatulong na protektahan ang mga negosyo na magamit sa mga layunin ng criminal na gawain.

Ano ang money laundering at pagpopondo ng terorismo?

Ang layunin ng karamihan sa mga gawaing criminal ay upang kumita. Upang matamasa ang kanilang mga kinita sa maling paraan, karaniwan ay hinahangad ng mga criminal na pagtakpan ang tunay na pinagmulan ng mga kinitang iyon. Ang money laundering ay ang pagpoproseso ng mga kinita ng criminal upang mapagtakpan ang kanilang iligal na pinagmulan.

Inililipat din ng mga pangkat ng terorista ang mga pondo upang pagtakpan ang kanilang pinagmulan, layunin at patutunguhan. Kabilang sa pagpopondo ng terorismo ang pagpopondo sa mga gawaing terorismo, mga terorista at mga organisasyon ng terorista.

Ano ang mga bagong batas?

Ipinaguutos ng Anti-Money Laundering and Couter-Terrorism Financing Act 2006 sa mga nagdudulot ng ilang mga serbisyong pampinansiyal o para sa pagsusugal, o ang mga kasangkot sa pangangalakal ng bullion, na:

• Kilalanin ang kanilang mga customer bago magbigay ng ilang mga serbisyo
• Iulat ang ilang mga transaksyon, at
• Isumbong ang mga pinaghihinalaang bagay.

Bakit ipinakilala ang mga bagong batas?

Ipinakilala ng Pamahalaan ng Australia ang mga bagong batas sa anti-money laundering at counter-terrorism financing (AML/CTF) upang:

• Maging angkop ang sistema ng AML/CTF ng Australia sa internasyonal na mga pamantayan
• Bawasan ang panganib na ang mga negosyo sa Australia ay magamit sa maling paraan para sa money laundering at pagpopondo ng terorismo, at
• Matugunan ang mga pangangailangan ng mga ahensyang tagapagpatupad ng batas para sa nakapuntiryang impormasyon ukol sa posibleng criminal na gawain at terorismo.

Sino ang maapektuhan ng mga bagong batas?

Mula Disyembre 12, 2007 ang mga bagong batas ay maaaring makaapekto sa mga customer ng ilang mga tagapagbigay-serbisyo, kabilang ang:

• mga bangko, credit union, building society, kompanya ng pautang, paupahan at arkilahan, mga nagbebenta ng stored value card, mga nag-iisyu ng traveler’s cheques, mga nagpapalit ng pera, mga kompanyang namamahala ng pag-aari, mga nangangalakal sa remittance, mga tagaplanong pampinansya na nagsasaayos ng paglalabas ng mga produktong pampinansya, mga kompanya ng life insurance, mga pondong superannuation, mga kompanya para sa serbisyong custodial, mga tagahatid ng salapi at mga nangangalakal ng securities
• ang sector ng pasugalan, kabilang ang mga casino, bookmaker, TAB, club at pub, tagapagbigay-serbisyo ng pang-internet at electronikong mga palaro, at
• mga nangangalakal ng bullion.

Kailan ka maaaring maapektuhan?

Bilang isang customer ay maaapektuhan ka sa isang hanay ng mga sitwasyon, kabilang ang:

• pagbubukas ng account sa isang bangko o iba pang institusyong pampinansya
• pangungutang
• pagbili ng mga traveler’s cheque
• pagpapadala, paganggap o paglilipat ng mga pondo sa elektonikong paraan
• pagsusugal ng salapi na nagkakahalaga ng $10,000 o higit pa
• pagbibili o pagbebenta ng bullion, at
• pag-withdraw ng mga benepisyo sa superannuation.

Anu-anong mga pagbabago ang mapapansin mo?

Bilang isang customer, ang negosyong kinakaharap mo ay maaaring mangailangan na kumpirmahin ang iyong pagkakakilanlan. Ang mga uri ng mga dokumentong maaaring hingin sa iyo upang makumpirma ang iyong pagkakakilanlan ay maaaring magkaiba para sa iba’t-ibang mga transaksyon o serbisyo.

Halimbawa, kapag natukoy ng isang negosyo na ang serbisyo o transaksyon ay kumakatawan sa mababang peligro ng money laundering o pagpopondo ng terrorismo, ang mga customer ay maaaring kailanganin lamang na magpakita ng lisensya sa pagmamaneho. Para sa iba pang mga transaksyon o serbisyo maaaring kailanganin kang magbigay ng karagdagang impormasyon.

Kabilang sa mga dokumento ng pagkakakilanlan na maaaring hilingin sa iyo ay ang:

• pasaporte
• sertipiko ng kapanganakan
• lisensya sa pagmamaneho
• statement ng mga bayarin, hal. sa kuryente o tubig, o
• isang statement mula sa bangko o iba pang institusyong pampinansya.

Ang mga negosyong saklaw ng mga bagong batas ay kinakailangang magpatupad ng mga programa ukol sa AML/CTF, kabilang ang patuloy na pagsubaybay ng Gawain ng customer at ang pag-uulat ng mga kahinahinalang bagay.

Paano mapoprotektahan ang iyong pagiging pribado?

Ang mga partidong nag-uulat at mga ahensya ng Pamahalaan ng Australia na nangongolekta ng personal na impormasyon ay saklaw ng Privacy Act 1988. Pinapangasiwaan ng Privacy Act ang pangongolekta, paggamit, pagbubunyag, kalidad at seguridad ng personal na impormasyon.

Para sa karagdagang impormasyon kung paano mapoprotektahan ang iyong pagiging pribado, mangyaring makipag-ugnay sa Office of the Privacy Commisioner sa numerong 1300 363 992 o bisitahin ang www.privacy.gov.au/business/aml

Para sa karagdagang impormasyon, pakitawagan ang

Customer Information Line sa:

1800 021 037

www.ag.gov.au/aml